Transcription
1
Monsieur, je suys asseuré que ne troverés maulvaix si,
2
estant lennemy aux champs, lon recharge souvent à vous
3
escrire, encores que quelques foys lon soyt contraynt de varier
4
et changer le stille. Ilz se sont campés à La Mure.
5
Le capitaine La Grange nous ha escript plus dune foys quil
6
feroyt bien son debvoyr, car il ha esté adverti de leur
7
venue, ha esté secoru de pouldre comme il en ha demandé ;
8
et de frèche memoyre, ayant demandé, oultre ceulx de
9
sa garnison, vingt homes de renfort, lon luy en ha
10
mandé doze, choysis sur les deux compagnies. Sil faict
11
son devoyr, jestime que lennemy ny gagnera que le froit
12
et la honte. Je voy icy monsieur du Monestier et
13
daultres de telle volunté que scachans au vray le
14
nombre de leurs forces, tant de pied que de cheval et leur
15
contenance, que lon porra decovrir silz sont contrayntz destaler
16
quelques jours, de les ataquer et defayre silz
17
sont favorisés de partie des forces de gens [de] cheval
18
qui demeurent en garnison auprès de nous ; mays cela
19
depend de votre prudence et commandemant. Comme hyer,
20
estans assemblés en notre lougis, il feut resolu vous
21
escrire ce quilz me promirent fera que feut cause
22
que je laissay ma letre ung peu plus crue. Je voys
23
sur ce prier le Createur,
24
monsieur, vous doner en santé, heureuse et longue
25
vie. De Grenoble, ce 18 de fevrier 1574. Et
26
ce soyr je feus adverty que ceste troupe sortie de Varse, donoyt du
27
costé du bourg et que aultres donoyt dung aultre costé. Je voy que
28
pour cestheure il nen est rien ; mès à toutes fins, nous les avons advertis se
29
tenir sur leurs gardes car si ces pas estoyt fermé, nous serions hors de moyen escrire
30
ou resevoyr novelles des montagnes. Votre très humble et obeissant
31
serviteur gdeportes.